Festa e Roshnikut
08 Sht 2023 - 09 Sht 2023
Roshniku, i njohur për fiqtë e shijshëm, vreshtarinë dhe prodhimin e frutave, mirëpret vendasit dhe vizitorët e huaj në Festivalin e Roshnikut. Gjatë kësaj ngjarje treditore, në mes të shtatorit, të pranishmit mund të përjetojnë nga afër procesin e vjeljes së fiqve dhe rrushit gjatë pikut të sezonit turistik në Berat. Shijimi i produkteve vendase, muzikës, vallëzimeve dhe lojërave e bëjnë këtë eksperiencë të paharrueshme për të gjithë. Fermerët e zonës besojnë se zhvillimi i agrobiznesit është thelbësor dhe e shohin të ardhmen e krahinës të lidhur ngushtë me turizmin malor dhe kulturor.
Shikoni gjithashtu
Festa e Qershisë
Më 27 Maj, Drejtoria e Turizmit dhe e Aktiviteteve zhvilloi aktivitetin "Festa e Qershisë" në fshatin Drobonik për të dytin vit rradhazi. Ky event u mundësua nga Fondi Shqiptar i Zhvillimit dhe Drejtoria e Turizmit dhe Aktiviteteve e Bashkia Berat. Ky ishte edicioni i II i këtij evenimenti. Qëllimi i eventit ështe promovimin i produkteve lokale "qershisë" dhe potencialit turistik të zones. Në këtë aktivitet morën pjesë artizanë dhe prodhues lokalë. Në këtë event performuan femijët e kopeshtit dhe shkollës se zones. Të ftuar special ishin Grupi Folklorik i Kozares dhe këngetarja e mirenjohur popullore Denisa Gjezo.
Më shumë
Mangalem‘s Shades
Mangalem’s Shades do të jetë një event, një festë në rrugët e Beratit ku të gjithë janë të ftuar. Padyshim që Mangalem's Shades, Shiny Berat, do t'i bashkojë njerëzit në një shfaqje Hi-Tech ku do të përjetojnë diçka ndryshe nga rutina e tyre e përditshme, duke imagjinuar një jetë plot drita. Pjesë e eventit do të jetë edhe një skenë ku do të luhet muzikë elektronike nga DJ. Dritat dekorative mbi fasadat e shtëpive të lagjes Mangalem, shfaqja me lazer do të jenë pjesë e aktivitetit. Projektimet me drita mund të shihen nga kudo, ku lagjja Mangalem është e dukshme.
Më shumë
Festivali Mbarëkombëtar i Teatrit për Fëmijë
Ky festival i përvitshëm dhjetëditor e shndërron Kalanë e Beratit në një skenë të mrekullueshme, ku trupa të talentuara aktrimi nga qytete të ndryshme shqiptare interpretojnë pjesë teatrale. Juria e festivalit përbëhet nga figura të njohura të artit shqiptar falë të cilëvë ngjarja merr vëmendje dhe audiencë të veçantë.
Më shumë
Regjistrohu për të rejat më të fundit mbi eventet në Berat.